اجمل ما قرأت واتمنى ينال اعجابكم

السلام عليكم حبيت اشارك في ابيات قريتها واعجبتني واتمنى تنال اعجابكم وهذي الابيات منقوله طبعا لعدة شعراء جمعتها عشان انثرها بين يديكم

كتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه
wardha11

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
wardha11

ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هـواه

wardha11

الصبح ماهو طلعت الشمس للكون
واليوم ماهو يوم لو مر دونك
تدري لو ان الامر بيدي وش يكون؟
اعلن صباح الناس طلة عيونك!

wardha11

كم سؤال مات في صدري جوابه
وكم اجابه حية قبل السؤال
السؤال يتيه في ليل سرا به
والاجابه ثابته في كل حال
والسؤال اللي له بنفسي مهابه
ليه احبك حب جاوز للخيال

wardha11

ساعات احس ان الزمن قاسي لا يمكن يلين

وساعات احس ان الفرَح محال ولا يمكن يحيـن !

هذا اللي شفته بدنيتي وكل ما مضى لي من سنين

يامـن يعلمني الفرَح ويفررح القلب الحزيــن

اشكي مرارة حيرتي بدنيا مااظني بتزيـن!

وإذا بـدا بعيني الأمــل تجِـدّ احزاني وتبين

روّح زماني وانتهـى وترك لي الجرح الدفين

دنيا كفـا الله شرهـا تخلي كل قاسي يلين!

wardha11

كثر المواصل بالهوى ماهو بزين
ودك بخلـك بيـن مـده ومــده
لان بني ادم ماترك طبعه الشيـن
لاحب له شي وشبـع منـه هـده
لكن لا منه جاك من حين لي حين
قـدرت جياتـه وقـدرت صـده
وان قلت ابيك وقال ماهوب ذلحين
لاتضايقه يمكن ضروفـه تحـده
اصبر عليه ايام وشهور وسنيـن
ان كانه يودك ... وكانـك تـوده
خلك لمنه اعطاك ماتطلبـه ديـن
ماجاك منه اخذه .. ومـا رده
ولاتسوي مثل ناس(ن) مساكيـن
اصلك وفصلك بالهوى .. لاتعـده
العشق مايعـرف قبيلـه ولاديـن
نكـس حكومـات وفـرق اشـده
جـوّه عقـال وراحـو مجانيـن
وكم واحدن خاضه ولاهوب قـده
هذا كلامي وانت بتشوف بعديـن
والله ان تميز بين مزحه .. وجده

wardha11

غريبه كيف انا اسامح و انت تزيد هالغلطات..و اذا اخطيت انا بلا قصد اشوفك ما تسامحني

تكلم قول لا تسكت و خلنا نقلب الصفحات..و كل واحد يروح بدرب بس لازم تصارحني

انا مابيك تحس بذنب او تندم على ما فات..و لكني ابيك تقول انت اشفيك ريحني

ابااسمع كل ما في قلبك ابااسمع لو بعض كلمات..و انا متوقع انك لو حكيت لابد تصدمني.
wardha11

ايه اكتبي في صفحة العمر ما فات ..... باطـلال حبـك بـددي ذكرياتــي
اعيش لك قصـه و ارددك آهـات .......... لو مات قربك ما تمـوت امنياتي
طفلن فقد صبره و غطته الاهـات ...... يوم الهوي احلى قدر في حياتي
لك حق تبعد عن عيوني مسافـات.....ولي حق احفظ صورتك وسط ذاتي
عطيتني شئ ن علي ودك اثبـات......فرحة بوسط الهوي قلـت ياتــــــي
وانا عطيتك نظرة الحب بسكـات......احسبك تفهم نظرتي مـع سكاتـــي
wardha11

ما عاد باقي تجاهك شي يدفعني ..... ارجوك تنسى زمان ٍ راح وانساني

وشلون ابطلب خفوق ٍ كان بايعني ... صعبه نعيد الخطا وياك من ثاني !!

ماشوف حبك بعد ما صار يقنعني .... مدام قلبك يموت بنبرة احزانــــــي

حاولت اجامل لقيت الحب يخدعني ... بين الحنايا رمى الطعنات وانهاني

عشها حياتك بدون احباب طاوعني .. واتركني اسلى واعيش العمر وحداني

حيرني اكثر سؤال ٍ فيك ضيعني .... من دون ذنب ٍ جنيته ليه خلانــــــــي !!

ان جيت عادي ترى وان غبت وش يعني!! .... ما كنك الا خطاي بسالف ازماني

موت المشاعر.. تصور حيل يفزعني ... لقصى المتاهات منك ( الهم ) وداني !!

الجرح الاول .. عقب ما طاب شيعني .... والجرح الاخر.. عقب فرقاك نادانـــي

ماكل شخص ٍ يمر القلب يخضعني ....... اموووت مارجي حبيب ٍ صد بلساني

( العزة ) اللي ربت بالنفس ترفعني ..... تجري بدمي سقاها نبض .. شرياني

عوّدت منهو بغاني دوم يتبعني ............ ماطرد ورا اللي لامال الوقت ما جاني

اعلوم ( الاجواد والشيمات ) تمنعني ...... ماجازي اللي نوى تركي .. وهجراني

واللحين مابي كلامك بس واسمعني ...... ارجوك تنسى زمان ٍ راح .. وانساني
wardha11 والسموحه على السهو اذا سهيت اوغلطت بشئwardha11