نور

يقولوا الحب في صدر الخلايق دايم(ن) مبذور
ولكن حبك بقلبي حضاره من يجاريها

كتابات(ن) هيروغليفيت(ن) ومسطره م دهور
حوت اسم العزيزه نور يا سبحان منشيها

انا بعدج نسيت ان الوسيعه تحتوي ع الحور
ونسيت ايضا بأن اذكر بأنك أغلى ما فيها

لانك نور كل النور وأنفاسج شذا وزهور
ولانك لي غديتي روح أنا ملزوم اداريها

ولان عيونج الدعجاء تتيم فيني كل شعور
أضيع بوسعها الفتان وبظلمة لياليها

تثور بخافقي الاشجان وتهمس لي شفاهي نور
وتتمايل كفوفي شوق على نغمات طاريها

أمانه لاتلوميني ترا بحبك انا معذور
انا عاشق انا مجنون مثل ما تجيك فسريها

الا يالله ياعالم خـــفايا العـــــالم المستور
رجيتك يا اله الكون تصون المبتلي فيها