قصيده اكثر من رائعة واتمنى تعجبكم للشاعر عبدالله الظفيري
 

قصيده اكثر من رائعة واتمنى تعجبكم للشاعر عبدالله الظفيري

wardha11


علامك جيت ياقلبي وراجع خاطرك مكسور
أبد لاينكسر خاطرك دامه صاحبي جاير..

أبي تنسى مبادئنا وتنسى طبعنا المغرور
وأبي الحين ترجع له وقله يطلب ويآمر..

وإذا جت عينك بعينه..أبي تشهد شهادة زور
بأني مذنب ومخطي وقلبه ناسي وغافر..

وقله لااااا يخليني على حزني أبات شهور
لأن الموت اشوا لي وأنا من طبعي مااكابر..

ولايفكر يقول أنسى وغيري فالبشر مذكور
لأني ماخبر غيره..قسم بالله مو خابر..

أحس اللي خلق غيره خلق باقي البشر ديكور
وأحس الورد لاشمه يميل وينثني شاكر..

وربي هالبشر بعده هياكل والبيوت قبور
ولابه شي بالدنيا يجاري غيابه الكافر..

حبيبي يابعد كل الحبايب والزمان يدور
علامك ماتخاف الله تعال وشوفني..ناظر..

ترى قدرك بعيني صعب أحصره بغلا وشعور
أبي باصبعك تشر لي وأجيلك وقتها طاير..

ألا ياصاحبي القاسي بدونك هالحياة تغور
ألا ياسبة جروحي ألا ياحظي العاثر..

أحبك يامنى عمري وغيرك يمسك الطابور
أحبك يامولعني وأذوووب بصوتك الخاثر..

أنا من كثر ماأحبك أحس اني معك مسحور
فديتك خلني مسحور إذا تبقى لي الساحر..

تعال وخذني بكيفك قصيد ولو تبي جمهور
فداك اللي قصدته أمس واللي بقصده باكر..

لك الله وانت خابرني شجاع وماعلي قصور
ولكن لو وصل أمري بيدك آآآآه ياساتر..

دخيلك انتبه لالا تمادى مع رجل مقهور
ترى قهر الرجال أكثر من اللي تحسب وفاكر..

أنا حبي معك والله عفيف وطاهر ومستور
حشى صعبه تلاقي قلب شروى قلبي الطاهر..

وإذا ناوي تجربني ترى وقتك معي مهدور
أموت بنار طغيانك ولاينقال لي صابر..

أمانه روح ياقلبي وأبي تضبط عليه الدور
أمانه طير له تكفى وابي الحين ياشاطر..

أبيك تحب لي راسه وتنسى طبعنا المغرور
ترانا اثنيننا والله بدونه نكسر الخاطر..

: قصيده اكثر من رائعة واتمنى تعجبكم للشاعر عبدالله الظفيري
 

روووعه ...wardha11
كلمات روووعه ...
الله يافرسنا ....
^___^

: قصيده اكثر من رائعة واتمنى تعجبكم للشاعر عبدالله الظفيري
 

:36_1_11[1مشكور يا فارس عمانيات

كلمات جميلة وذات مغزى

احتراماتي

: قصيده اكثر من رائعة واتمنى تعجبكم للشاعر عبدالله الظفيري
 

اهلين سيمو ..لومو روعة ماكان جبتها تدري عاد ذوقي من ايااااام زمااان لماكنا نشارك بعمانيات
ايام الشللة القديمة والنشاط والحيوية بعمانيات ..
الحين اشوف المنتدى دب فيه النشاط مرة اخرى

: قصيده اكثر من رائعة واتمنى تعجبكم للشاعر عبدالله الظفيري
 

اهلي بأهل الجزائر
اهلا بالذوق

حضورك وتسجيل اعجابك يزيد كلمات الشاعر جمال على جمالها
ربي يديمك

: قصيده اكثر من رائعة واتمنى تعجبكم للشاعر عبدالله الظفيري
 

: قصيده اكثر من رائعة واتمنى تعجبكم للشاعر عبدالله الظفيري
 

اذا عالكلمات فهي جميلة والاحساس بها جدا رائع اختي
ومرورك هنا واستمتاعك بهذه الكلمات لهو من جمال وروعة مشاعرك
دمت بود

: قصيده اكثر من رائعة واتمنى تعجبكم للشاعر عبدالله الظفيري
 

شكرا لك الفارس ومرحبا برجووع أعضاء عمانيات القدامى يشرفني أمر بموضوعك..^^

: قصيده اكثر من رائعة واتمنى تعجبكم للشاعر عبدالله الظفيري
 

مرحبا برجوعك الفارس الاخير

كلمات تدل على رقة المشاعر

: قصيده اكثر من رائعة واتمنى تعجبكم للشاعر عبدالله الظفيري
 

:imparsed:
يسلموا

: قصيده اكثر من رائعة واتمنى تعجبكم للشاعر عبدالله الظفيري
 

: قصيده اكثر من رائعة واتمنى تعجبكم للشاعر عبدالله الظفيري