للحزن تعابير

https://t1.gstatic.com/images?q=tbn:...iKm2un0ywk8zm6

للحـزن فـي وجهـي كـلام وتعابـيـر
قصة حزن تصعب علـى مـن قراهـا
رغم الألم أضحك وأسولف مع الغير
وأنسـى جروحـي واتجاهـل نـداهـا

::

::

::

::

صباح الجـرح ياجـرحٍ نـزف فـي صفحـة الاحـزان
صباح النوح والصمـت الطويـل وقسـوة سنينـي
صبـاح الهـم والضيـقـه صـبـاح الـبـوح والحـرمـان
صبـاح آلام عمـري يالدمـوع اللـي بكـت عينـي
صبـاح الحـزن ياحـزنٍ بوجهـي صـار لــه عـنـوان
تعـرّى فـي ملامـحْـه وجهـلْـه الـلـي يحاكيـنـي
يـمـر اللـيـل واحـزانـي تـراودنـي وانــا سـهـران
وصبحي تنجلي شمسه وانا همومي تخاويني
لـك الله يـازمـن يكـفـي تــرا ملـيـت هالكتـمـان
تـرا مليـت ضحكـاتـي بـوجـه الـلـي يواسيـنـي
أحاول أخفي جروحي واعايـش قسـوة الازمـان
واذا قالـوا عسـى ماشـر اقـول ابـداً وانـا فينـي
وانا احمل داخلي حـزنٍ تعـدى طاقـة الإنسـان
قـدرت اخفيـه وأتْجـاهـل نــدا جــروح ٍ تناديـنـي
الا يالله تغـفـر لــي ذنـوبـي ياعـظـيـم الـشــان
والا يالله فـي عفـوك عــن همـومـي تسليـنـي
مساء الخيـر ياجـرحٍ نـزف فـي صفحـة الاحـزان
مساء النوح والصمت الطويـل وقسـوة سنينـي

::

::

::

::

قل للحزن يرفق على وجه الافراح
وقـل للصبـر ماعـدت بالصـبـر الاوّل
تعبت مـن جـرحٍ نـزف سبـة اتـراح
ومليـت مـن حـزنٍ بقلـبـي تـجـوّل