السلام عليكم ورحمة الله وبركاته
أضع بين نواظركم مصافحتي الاولى .. أتمنى تنال حروفي على رضاكم واعجابكم ..
أشوف الدنيا بعيونك تغني باعذب الألحان.........ويكتب بالفرح وقتي قصيدة حب ورديه
وترقص بسمة العالم وتتمايل على الأغصان...........وتنبت زهرة البهجه وتصبح لي مثاليه
أشوفك في متاهاتي بريد الشوق والعنوان..........دليلي صدرك الوافي وقلبك ينتمي ليّـه
قبل مالقاك ياعمري لزيمي لاهب البركان............وزادي علقم وشربي جفافه يشتكي ريّـه ؟
لقيتك في ضمى نفسي تحاتيني على ماكان..........تجلــّى همي الأقشر وصارت بسمتي حيّه
عطيتيني أمل ثاني أعيش بعالم الانسان..........بعد مافاقني حزني ويأسي إنغرس بيّـه
بحـُبك إنهزم همي وانا في غبة الاحزان..........لقيتك في بحر غمي جمال الكون حوريه
حروفي ماوفت لجلك ولاتوفي لك القيفان...........لأنك يانظر عيني .. ملكتي كل مابيـّه
اذا أكتب عن اطباعك وصوفي تنتهي بنقصان...........وصايف طيبك وقلبك وحبك ماهي شويـّه
كفايه تعرفي إني بدونك عالمي حرمان.........وقربك ياأمل عمري حديقة حب ورديه !!
شاعر الغربة