|
ياليتنـي ..كنـت الكفـن يـوم تمشـون أبقى معها بالقبر ثم تدفنوني
السلام عليكم و رحمة الله
مرحبا بكم
انا عضووو قديم عندكم بس صارلي فتره ما دخلت
يمكن البعض يتذكرني و البعض لا
عالعموم اليوم ناقلكم قصيدة عجبتني
و ان شاء الله تعجبكم
ياللـي دفنتـوا جثـتـها.. لـيـه تبـكـون؟
لـولا الحيـا..لأقـول : معـكـم خـذونـي
منها انحرمت وكنت انا عنـها مسجـون
مـا أذكـر لمحتـها .. غيـر مـره بعيونـي
شفتـها ..وكانـت فرحتـي مالهـا لــون
عجزت لأوصف .. من لمحتها شجوني
ياليتنـي ..كنـت الكفـن يـوم تمشـون
أبـقـى مـعـها بالـقـبـر ثـــم تدفـنـونـي
أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي
أبكي وراكم .. وأدعي ان كـان تدعـون
مـا يكفـي انـها عـاشت عمـرها بدونـي؟؟
تكفـون < هاكـم عمـري اليـوم تكفـون
بـرخـص حيـاتـي دام خـابــت ظـنـونـي
مـا فادنـي صبـري !! ولا فـادنـي عــون
ولا فادني دمع(ن) .. حرق لي جفوني
يـا مـا بكيتـها والبكـي يحـرق عيـون
ميت أو انه حي .. دمعي بعيونـي!!
العـام كـان بفرحتـها .. يعـزف لـحـون
واليوم ؛ تحت الأرض .. ماهو بكوني
لكن أنا في فرحتـها.. كنـت مدفـون
فوق الثرى .. واليوم موتها سجونـي
(سميت قلبي عقب فرقاها ملعون)
هو و الليالي .. عن هناه امنعونـي
ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني
وياليتكـم .. عـن همّـي اليـوم تــدرون
منها انحرمت > ومن عزاها .. احرموني
حتى بوفاتها !! يـوم أنـا طحـت مطعـون
أخفيت طعناتـي .. قبـل لا يفضحونـي
بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني
و إن كان في حبّـي أنـا ..ماتحسّـون ..؟!
دلوني لقبـرها .. وهنـاك .. اتركونـي ..!
و سلامتكم
|