أنا لين الحين ما درست هالدروس

ما زلت في عـاشر

ولكن..
أعـرف بنات من حادي عشر كثير
بعضهم معرفة سحطيه ومنهم معرفه عميقه
لكـن كثير ما أسمع انهم مب مآآخذين دروس التربية الإسلامية بجد
وانهم يتمصخرون ويضحكون وجيه



لكني وبكل صراحه
ما أشوف هالدرووس عيب
يعني الزواج وأمور الزواج والخطبه وما إلى ذلك
هذا سنة وهي سنة الحياة
والزواج يعني قضاء نصف الدين
ومافي أي مشكله مدام التعليم بحدود الشريعه الإسلاميه مافي أي اعتراض

اما دروس اللغة العربية
وما ادراك ماهي

احنا احيانا عندنا أمثاال جيه
اونه تشبيه الشاعر ما ادري شو
عندما ينتظر محبوبته وجيه ومن هالكلام
عاد البنات ما صدقوا
الضحك والإستهبال موجود
يعني في مرة من المرات
أخوي ثالث ثانوي الآن
طلع من غرفته ويقولي فلانه اسمعي الشعر شو يقول

ما اذكره عدل
لكن كان فيه فواكبدي من ما ادري شو شئ من هالقبيل
كان شعر غزل بحت يعني
وانا اقوله الحين هاي دروسكم
يقولي وينج انتي ها شوية بس
لكن ولله الحمد أخوي انسان وااعي
لكن يكلمني بسوالف الشباب معاهم
والله مصخره في مصخره
لكن العيب مب من الدروس فقط
العيب من الطلاب والطالبات
هم مش وااعين ومش مثقفين
الحين كلام الحب اللي هم يتمصخروا فيه
كان يكتبه نزار..ومحمود ردويش..وغيرهم من عمالقه الشعر كثير

الطلاب هم من يحتاجون الوعي والتثقيف لأفكارهم التي لا تتسم بأي رقي ولا فهم

تسلمين ع الطرح
طولت واايد