08/05/2005, 08:51 AM
|
 |
خليــل
|
|
|
|
سلام عليكم ورحمة الله وبركاته
الريال والحرمه هم من افراد المجتمع ولهم الاهميه الكبيره وارجوا ان تاخذوان هاذا درس استفاده وكل واحد منا يفيد ثاني ويستفيد في نفس الوقت يعني عصفورين يا شطار
وشاطر يستفيد و؟؟؟؟؟ الله يعينه
وهيه تسليه في نفس الوقت ويا بختكن يا بنات اخيرا بنسمع الي تبونه عاد شوي شوي علينا
موضوع:
اول شي ببدا بالبنات نص المجتبمع ابا رايكن في الي تحبونه والي ما تحبونه في ريال بترتيب نقاط يعني 1 2 3 وارجوا ان تفصلوا الايجابيات عن سلبيات عشان تكون بارزه وان لا تزيدون عن 10
ثاني شي ريايل اخوان شما اكتبوا شو الي تحبونه والي ما تحبونه في البنت بنفس الطريقه بنقاط يعني 1 2 3 وارجوا فصل الايجابيات عن سلبيات ولا تزيدون عن 10
وارجوا الجميع بان يلتزمون بالادب والحترام لانه المغزا انه كلنا نستفيد والزين ما يكمل حلاه والي فيه شي من صفات زينه يحاول يطورها ويعمقها فيه والي فيه صفه شينه يحاول يبدلها و في عايلة عمانيات الكل اخوان يعني نصيحه لخوكم فارجوا رجاء الحار الالتزام بالادب و ها الكلام لي اول واحد وانتوا ما عليكم كلام بس تذكير زين
ومشكووووووووورين
و ان شاء الله عجبتك الفكرة يا هموسة..
يالله رونا شطارتكم
طبعا اول شي انا ببدأ...
أحب في شخصيته
1- محافظ على دينه ويخاف ربه
2- طيب وحنون وبار لوالديه
3-شخصيته قويه
4- ذكي
5- طموح(يفكر للمستقبل بتفكير صح) 
6-يحترم الآخرين ولو كانو اقل عنه بالمستوى
7-رومانسي بس هب زياده عن اللزوم
8-الغيره في الشي المعقول
9-يبدل روتينه
10-تعجبني الخقه بس بحدود
___________________
والشي اللي ماحبه
1-تارك صلاته :36_1_28[1
2- مايحترم أهله
3- شخصيته ضعيفه (كله عنده حاضر ونعم يعني ماله كلمه) :36_1_10[1
4-يتفلسف واااايد وهوه مايدري وين الله حاطنه
5- مايفكر الا في اليوم وباجر وكل همه يحصل سياره(يعني يعتمد على الآخرين)
6- مايحترم ربعه ولا خوانه
7- الدلع ( لأني اشوف الدلع للبنات بس)
8-الغيره من كل شي 
9-الروتين
10- ماحب الخقاق واللي مسوي عمره ماشي مثله في البلاد
يلا انتظر ردودكم...
|