ஓ♥♡ღالشـاعرفــــزاعஓ♥♡ღ

[mark=FFFFFF]قصائد فزاع..[/mark]






[mark=FFCC33]من هو ((فزاع))؟[/mark]

أنا عنواني اشعاري واسمـي فـي معانيهـا
وأوّل بيت أنا قلتـه غـدا تاريـخ ميـلادي
إذا تنشِدْ عن أخبـاري مـن اوّلْهـا لتاليهـا
أنا اشعاري هي اخباري على ما اْريد تنقادي
وانا أمّي إماراتي ولِدْت وعشـت أنـا فيهـا
وابوي أمجاد عرباني وطاري ماضي اجدادي
واخواني أنا المليار مسلـم فـي أراضيهـا
وانا القـرآن والسِنّـه غَـدَوا زادي وزوّادي
أعيش هْمومي وفَرْحي ولا لي نيّـه أخفيهـا
وأكبر همّي المقدس وطفـلٍ جنبـه يْنـادي
يهزّ بْصَرْخته أرضٍ نوى الصهيون يمحيهـا
من التاريخ، والعالم وقَفْ مكتـوف الايـادي
وانا ايّامي هـي اسْتـاذي تعلّمنـي لياليهـا
فلا خيـرٍ بإنسـانٍ يِفـادْ ولا بَعَـدْ فـادي
و(زايد) قِدْوِتي (زايد) و(زايد) من يزهّيهـا
بلاده شانها عالـي باسمـهْ دايـمْ تْشـادي
وروحي (محمّد المغوار) ابن راشـد يغذّيهـا
من أشعاره من أفكاره، بنيت بْمجدهْ امجـادي
مرَبِنّي على الجودْ وعلى المعروف واحميهـا
بلادي حبّي الأول ولا لي غيرهـا بـلادي



[align=left]

[align=left]

[mark=FFCC00]خلاص يعني[/mark]

خلاص يعني كل شَيّ انتهى وراح خلاص يعني مـا بقينـا حبايـب
يعني وعودك كلها كانـت مْـزاح والاّ انت ما لك في المحبّه رغايب
وين العهود ووين لحظات الافـراح يعني تلاشت مع هبـوب الهبايـب
القلب بعدك من له اليـوم يرتـاح من بعد ما هو في محبّتْـك ذايـب
ياما على شانك تحمّلـت الاجـراح وياما جروحي من صدودك عطايب
سرقتني عن جملة الناس يا صـاح والفكـر عنـدك ماخذنّـه نهايـب
خِلّك يحبّك يا بَعَـدْ سِيْـد المْـلاح إن رحت عنّه راودنّـه مصايـب


خَلّك معه دام الهوى حيل نضّـاح والواش رِدّه يا هوى البال خايـب


تم غناء القصيده من قبل المطربة أريام






[mark=FFCC33]مـمـنـوع أخـــذ الـثــار [/mark]

مهداه إلى اللواء ضاحي خلفان تميم

شكواي (بو فارس) على اللي سرَقْني
دامك خبيرٍ فـي أمـور الجريمـه
شَخْصٍ أخَذْ قلبي وْصَـدّ وْهجَرْنـي
من بعـد مـا كِنّـا نديـم ونديمـه
زَور ملفّـات الغـرام وخدَعْـنـي
بعد الأمـور الواضحـات السليمـه
وافي أنـا بْحبّـه ولكـن صدمنـي
والله يا (ضاحي) صَدْمتي به أليمـه
ياما جَـرَحْ نـاسٍ ويامـا طعنّـي
وياما نَهَبْ نـاسٍ وْكـلٍ خصيمـه
لا تقول منّي، لا حَشَا هـوب منّـي
ممنوع أخْذ الثـار ثـاري لزيمـه
بْكَشْف الجريمه أمنكم مـا لَحَقْنـي
مجرم ما بين الناس هـذي عظيمـه
باعطيك من وصفـه ودوّر وعنّـي
واعمل تحرّي فْ.. كل بيتٍ وخيمه
كانـك لقيتـه لـى شبيـه الدمنّـي
أبـو العيـون الناعسـات العديمـه
أهو الذي بْحِسْنه يا (ضاحي) غلبْني
ولا اظن ترضى لي أنـا بالهزيمـه


[mark=FFCC00]تااااااااااابع[/mark]