عمانيات عمانيات
عودة   عمانيات > منتديات عامة > قصص حقيقية
قصص حقيقية قصص يومية, قصص من المـاضي, قصيرة وطويلة

الرد على الموضوع
 
خيارات الموضوع طريقة العرض
  #1  
قديم 22/11/2008, 12:17 PM
صورة لـ الماسحه
الماسحه
مُجتهـد
 
ابتسامه عريضه قصة كوميديه واقعيه

(( قصة كوميديه واقعيه ))

سعيد وتهريب المخدرات ! ..قصة قصيرة واقعية تموت من الضحك
سافر سعيد قبل كم يوم الى دولة خليجية ( يزعم انها سياحة ) تمشى كم يوم ...وجاك محدر على
ديرته سعيد هذا بالمناسبة مطنوخ ...ملقوف ...مزوحي من الدرجة الأولى مع اللي يعرفه واللي ما
يعرفه ! حتى أمّه ما سلمت منه ! المهم وصل سعيد الى الجوازات ...لقى المبنى فاضي , ما فيه الا
كم عسكري من عساكر الجوازات اللي نفس الواحد من شيانتها كأنها قطوة ميتة وخايسة لها
اسبوع ! المهم راح سعيد وسمت وجهه عند أقرب واحد ..وصكّه بابتسامة الله لا يوريكم
( ضرسين ذهب يتدلون ...وضرس ألومنيوم مثبت بمسمار ) المهم شافه العسكري وقال في نفسه:
أعوذ بالله من الشيطان الرجيم !! رح يا خوي انقلع من قدامي ...اقصد رح تفضل الى الأخ اللي على
الطرف هنااااااااااااااك ، قال سعيد بصوت خافت : شكله ما عنده ثقة في نفسه ! والا الظاهر موهب
كفو يمسكونه أختام !!
راح سعيد للطرفاني ...وقف قدامه ...وقال : أنا أرسلوني ..إِللللللللللللللللللللللك ومد يدينه ( وسواها
على طريقة ميشو النصراني ثقيل الدم
)
ابتسم العسكري وقال بصوت خافت : يا الله إن تعطينا العقل يا رب
سأل العسكري سعيد مازحاًوهو يختم على جوازه ويدخل معلوماته للكومبيوتر : هل معك شيء يا أخ
سعيد ؟؟ قال سعيد : شيء مثل ايش يا أخ عسكري ؟؟؟
قال العسكري : يعني ...شيء ممنوع كذا والا كذا يا أخ سعيد ؟؟؟
رد سعيد بضحكة ماكرة وغمزه من عينه اليمنى : شيء ممنوع مثل ايش يعني يا أخ عسكري ؟؟
قال العسكري دون أن يرفع رأسه وينظر اليه ( والله ما ألومه ) : يعني ..مثلك
عارف ..حشيش ..هيروين ..كوكايين يا أخ سعيد ؟؟
ضحك سعيد ضحكة كأنه قاعد على قهوة أبو حدرية هههههههه ...وقال : يخرب بيت سمو حضرة
ابليس سعادتك يا أخ عسكري ؟؟
قرّب سعيد من الدريشة اللي تفصله عن العسكري وقال بصوت خافت : والله إن بغيت الصراحة ..ترى
معي ..شوي ..بس شوي حشيش استعمال شخصي يا أخ عسكري
أما الترويج فلا والله والعياذ بالله ....! ثم ابتسم وهمس للعسكري يا الله يا عم ابسط حيرقونك على
ظهري !! بس ما تنسنيش من الذبيحة !! قالها سعيد وضحك ...وتراي أموت في الكلاوي
والكبدة ....!
طبعاً سعيد كان يمزح لأنه مش حق هالسوالف ...هو حبة بنادول تجيب راسه وتسطله ..!
المهم ...ضحك العسكري ...وقال : طيب يا أخ سعيد ...وين خشيتها ..كيف دسيتها ؟؟؟
قال سعيد بصوت خافت وهو يتلفت ويضحك ( والله إن يطلع ذا الضحك يا سعيدان ) : في الشكمان
( أي عادم السيارة ) يا أخ عسكري !
قال العسكري : طييييييييييييييييييييييب ..نشوف إن شاء الله استرح شوي اذا سمحت يا أخ
سعيد ...نادى العسكري على جندي عنده وهمس له بكلام
وذهب الجندي مسرعاً
قال سعيدان : يا ابن الحلال خلصني أنت تدري اني أمزح يا استاذ عسكري ؟؟
قال العسكري : كلها دقايق ونشوف أنت تمزح والا لا ؟؟؟
جاء النقيب ومعه بعض العسكر وتكلم مع العسكري على الدريشة وأمر بالقبض على سعيد
سعيد بغا يغمى عليه من الخوف ...أول مرة يشوف عساكر يقبضون على شخص ..كان أول يشوف
يوسف سعبان في المسلسل وهو يمثل دور شرطي وحسن مصطفى يمثل دور البرادعي المجرم ! أما
الحين ..والدور عليه ....والله ورحت فيها يا ابو السعاديد
كلبشوا سعيد ..الرجال يحاول يتكلم ما فيش فايدة ..صوته ما يطلع المسكين ...يحاول يسوي طريقة
الصم والبكم ما فيه فايدة ...
جابوه عند سيارته ...قال له الضابط : في الشكمان هاه ..نشوف الحين يا استاذ سعيد !
جابوا كلب بوليسي وهدوه على سيارة سعيدان ...قام الكلب يدور على السيارة ...يدور ..وعيون
سعيدان تدور معه ...
وهو يفكر يقول : لا يكون أحد من عيال الحرام حط لي شيء في السيارة وأنا مدري ...
المهم قلب سعيدان قام يرقع سامري ! ...والكلب يدور ...وفجأة وقف الكلب عند مكان في السيارة
وقام ينبح بشدة ..قام سعيدان يكح ..يكح ..اححح ...
يبغا الكلب يروح والا يخاف ..لكن ما فيه فايدة ...تدرون وين وقف الكلب ؟؟؟؟؟ ..
عند الشكمان ! ...
سعيدان بغا ينهبل ...الشكمان !! لالالالالالالالالالالالالا..لا يكون أنا حاط شيء وأنا مدري ! ..
..الشكمان ...مستحيل ...مستحيل ...
قال له النقيب : حبيبي ما فيه مستحيل في هالدنيا ...العب على غيرنا يا استاذ سعيد !
قال الضابط للعسكر : جيبوا المشبك ...جابو أداة مثل المقص أو المشبك
وأدخلوها في الشكمان ليسحبوا اي شيء في داخله ....
سعيد ..قلبه يضرب سامري على كيف كيفكم ! ...
سحبوا المشبك واذا فيه كيس فيه بودرة بيضاء !!
أغمى على سعيدان على طول .... ( والله وطلعت أي كلام يا سعيدان ..خخخخخخخخ )
جابوا له موية ...وهفوا عليه مروحة ....المسكين قام يصيح مثل البزر ..الله يلوم اللي
يلومه ...يحلف بالله ويقسم أنه فيه خطأ
وانه كان يمزح ...وان احد المهربين في ذلك البلد هو اللي حط له المخدرات في الشكمان من دون ما
يدري !! يقسم ..ويحلف ...
ويبكي ..كأنه في فيلم هندي ! ...والله مش أنا ...والله مش أنا ...ايت ايز نوت مي ..نو داس نهاربو
هباوي ..
سن فن عن روس فريك ..قام المسكين يتكلم بكل لغات الدنيا ...


حاول الضابط يهدبه شوي حتى يقدر يتكلم معه ويحقق لكنه ما قدر !! ما غير يصايح ... والعالم
يطالعونهم...
آخر شيء قال له الضابط : ممكن تنثبر وتاكل تبن شوي يا استاذ سعيد ؟؟؟
سكت سعيد....
فتكلم الضابط وقال : شوف يا استاذ سعيد ...
الكيس الأبيض هذا حنا اللي حطيناه حتى نجرب الكلب ونختبره !
خخخخخخخخخخخخخ
ومنها تتوب مرة ثانية عن المزح اللي مال أمه داعي ....
خخخخخخخخخ
قام سعيد وبحركة هستيرية يبوس في الضابط .والعساكر ..والناس ...ما صدق المسكين
وصرخ في الختام : توبة ..واللة توبه ( ايه هين هذي كثر منها ) ....أنا تبت على ايدكم ...انا تبت






من مواضيعي :
الرد باقتباس
  #2  
قديم 23/11/2008, 02:12 AM
صورة لـ زهرة الخزامى
زهرة الخزامى
ودود
 
: قصة كوميديه واقعيه

هههههههههههههههههاااااااااااااي

حللللووووه

يعطيج العافيه



من مواضيعي :
الرد باقتباس
  #4  
قديم 23/11/2008, 03:02 PM
tourism
مُشــارك
 
: قصة كوميديه واقعيه

ههههههههه
يحليله مسكييين...



من مواضيعي :
الرد باقتباس
  #5  
قديم 23/11/2008, 06:28 PM
صورة لـ الماسحه
الماسحه
مُجتهـد
 
: قصة كوميديه واقعيه

إقتباس
 مشاهدة المشاركة اقتباس من مشاركة زهرة الخزامى
هههههههههههههههههاااااااااااااي

حللللووووه

يعطيج العافيه

يارب دوم هالضحكة

تسلمين عالمرور



من مواضيعي :
الرد باقتباس
  #6  
قديم 23/11/2008, 06:31 PM
صورة لـ الماسحه
الماسحه
مُجتهـد
 
: قصة كوميديه واقعيه

إقتباس
 مشاهدة المشاركة اقتباس من مشاركة الفارس الاخير


خ خ خ ... حلوه بصراحه .. خ خ خ

.. يسلموا .. مسكين سعيدان ..

:bs012:

هع هع

أتخيل نفسك مكانه خخخخ


ثانكس عالمرور



من مواضيعي :
الرد باقتباس
  #7  
قديم 23/11/2008, 06:36 PM
صورة لـ الماسحه
الماسحه
مُجتهـد
 
: قصة كوميديه واقعيه

إقتباس
 مشاهدة المشاركة اقتباس من مشاركة tourism
ههههههههه
يحليله مسكييين...

صدق مسكين

ثاااانكس عالطلة



من مواضيعي :
الرد باقتباس
الرد على الموضوع

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
قصتي واقعيه عن قتاة تحولت الى ....... خادمه قصص حقيقية 8 26/05/2011 08:32 PM
قصة بنت مع فارس احلامها قصه واقعيه جيلاردينو موضوعات عامة 14 01/12/2006 03:39 PM
فتاة حامل من الخادمه قصه واقعيه العريمي قصص حقيقية 6 01/11/2006 10:49 AM
قصه واقعيه لفتاه متبرجه زهرة الخزامى قصص حقيقية 6 15/07/2006 10:06 AM
قصه واقعيه للعبره Alzyzfoon قصص حقيقية 8 05/05/2006 09:18 PM


الساعة الآن: 05:06 AM

vBulletin ©2000 - 2024
 
 
عمانيات  مراسلة الإدارة  تصفح سريع منتديات